ශ්‍රී ලංකාවේ වත්මන් මූල්‍ය ප්‍රතිපත්ති ප්‍රවණතාවන් - ඉන් පොදුජන ඵලයක් තිබේ ද? පරීක්ෂා කරමු
මේ දිනවල මූල්‍ය ප්‍රතිපත්තිය ළිහිල් කිරීමත්, එමගින් ආර්ථිකය බලා සිටිය දී ගොඩ එන බවත් පිළිබඳ ව ශ්‍රී ලංකා මහ බැංකුව විසින් දක්වන විචිත්‍ර අදහස්වලින් මාධ්‍යය පිරී පවතී. ඊට පෙර 2022 ආරම්භයේ සිට 2023 මැයි මස පමණ දක්වා මාධ්‍යය පිරී පැවතියේ අධිඋද්ධමනකාරී පීඩනයෙන් ආර්ථිකය මුදවා ගැනීම පිණිස මූල්‍ය ප්‍රතිපත්තිය දැඩි කිරීමේ විචිත්‍රාකාර ඉදිරිපත් කිරීම යි. එහෙත්, ජපානය සහ චීනය හැර සියළු සංවර්ධිත රටවල් ඇතුළු ලෝකය පුරා රටවල 2022 ආරම්භයේ සිට මහ බැංකු විසින් එම රටවල් මුහුණ දෙන අධිඋද්ධමනය පාලනය කිරීම සඳහා තම මූල්‍ය ප්‍රතිපත්ති දැඩි කිරීමේ කථාන්දරයෙන් ගෝලීය මාධ්‍යය පිරී පවතී. එම රටවල මූල්‍ය ප්‍රතිපත්ති නුදුරු අනාගතයේ දී නැවත ළිහිල් කිරීමේ වකවානු පිළිබඳ ව ද නොයෙකුත් අදහස් ද නොඅඩුව දැකිය හැකිය. මෙසේ මහ බැංකු විසින් මූල්‍ය ප්‍රතිපත්තිය දැඩි කිරීම සහ ඊට පසුව ළිහිල් කිරීමේ රටාව මූල්‍ය ප්‍රතිපත්ති චක්‍රය ලෙස දැක්වෙයි. එබැවින්, මෙම ලිපිය මගින් ශ්‍රී ලංකා මහ බැංකුවේ වත්මන් මූල්‍ය ප්‍රතිපත්ති චක්‍රය කොටස් දෙකකින් ඉදිරිපත් කෙරේ. එහි පළමු කොටස ලෙස මූල්‍ය ප්‍රතිපත්ති චක්‍රයේ ස්වරුපය එහි උපකරණ සමඟ ඉදිරිපත් කෙර...
